«Спутник V»-ն արդյունավետություն է դրսևորել Դելտա շտամի բոլոր տեսակների նկատմամբ․ Գինցբուրգ
Спутник V» հակակորոնավիրուսային պատվաստանյութով պատվաստվելը կպաշտպանի քովիդի բոլոր տարբերակներից, այդ թվում Դելտա շտամի նոր՝ AY.4.2 տեսակից։ Այս մասին հայտարարել է Գամալեայի անվան համաճարակաբանության և միկրոբիոլոգիայի ազգային հետազոտական կենտրոնի տնօրեն Ալեքսանդր Գինցբուրգը «ՌԻԱ Նովոստի»-ի հետ զրույցում։Երկուշաբթի հայտնի էր դարձել, որ AY.4.2 տեսակով վարակման 3 դեպք է ի հայտ բերվել Մոսկվայում և Մերձմոսկովյան շրջանում։
Գինցբուրգը նաև հայտնել է, որ մոտ ժամանակներս կգրանցվի քովիդի դեմ մանկական պատվաստանյութ, որը ներկայում գտնվում է փորձաքննության փուլում։
ՌԴ-ում զանգվածային պատվաստումները շարունակվում են։ Քաղաքացիները պատվաստվում են անվճար, երկրում գրանցված 5 պատվաստանյութերով՝ «Спутник V», «Спутник Лайт», «ЭпиВакКорона», «ЭпиВакКорона-Н» և «КовиВак»։
