Հայաստան-Ադրբեջան պետական սահմանի Տավուշ-Ղազախ հատվածում տեղադրվեց առաջին սահմանային սյունը․ Փաշինյան          Կամ մահ, կամ ազատություն.Խնդրում եւ պահանջում եմ՝բանակի բոլոր զորագնդերին՝ կանգնեք ժողովրդի կողքը. Մահապարտների ջոկատի հրամանատար       Առաջիկա տնտեսական ապոկալիպսիսը անպայման տեղի կունենա.Պուտինը որոշել է Հայաստանի և Ղազախստանի ապագան    

09 նոյ 2021 13:29

Արծրունին նայելիս արյուն եմ տեսնում, անմեղ մեր լույս տղերքի արյունից գոյացած հսկա ծովը. Իսկ դուք ասում եք Արծրունը փորձագետ

Արծրունն ինքը պետք է պատասխան տա 44-օրյա ստերի, արարքների եւ գործողությունների համար։ Արծրունն իրավունք չունի հատկապես 44-օրյա պատերազմի հանգամանքներն ուսումնասիրող քննիչ հանձնաժողովում ներգրավվել որպես փորձագետ։ Նա բարոյական իրավունք չունի որպես փորձագետ մասնակցել ԱԺ պաշտպանության եւ անվտանգության հարցերի հանձնաժողովի աշխատանքներին։ Այս մասին ֆեյսբուքյան իր էջում գրել է ԱԺ «Հայաստան» խմբակցության պատգամավոր, Արցախյան երրորդ պատերազմում զոհված զինծառայողի հայր Գեղամ Նազարյանը։


«2020 թվականի նոյեմբերի իննի խայտառակ համաձայնագրից ուղիղ մեկ տարի անց Ազգային ժողովի պաշտպանության եւ անվտանգության հարցերի հանձնաժողովի հերթական նիստի ժամանակ հայտարարվեց, թե Արծրունը, այո, այն հայտնի ստախոս Արծրունը, ներգրավված է հանձնաժողովում որպես փորձագետ։


Պատահակա՞ն է արդյոք, որ նա ներկայացվեց հենց նոյեմբերի իննին։ Համոզված եմ՝ ոչ։


Անկեղծ, ուզում էի անմիջապես արձագանքել այդ հայտարարությանը, բայց հասկացա, որ այն լինելու էր գերհուզական, գերզայրալից, ու որոշեցի, որ նա չարժի իմ հույզերին, իմ զայրույթին։


Ընդամենն ասեմ՝ Արծրունն ինքը պետք է պատասխան տա 44-օրյա ստերի, արարքների եւ գործողությունների համար։
Արծրունն իրավունք չունի հատկապես 44-օրյա պատերազմի հանգամանքներն ուսումնասիրող քննիչ հանձնաժողովում ներգրավվել որպես փորձագետ։ Նա բարոյական իրավունք չունի որպես փորձագետ մասնակցել ԱԺ պաշտպանության եւ անվտանգության հարցերի հանձնաժողովի աշխատանքներին։


Արծրունին նայելիս հիշում եմ նրա ստերի համապատկերում զոհված մեր տղերքին, մեր կորցրած քաղաքներն ու գյուղերը։


Արծրունին նայելիս արյուն եմ տեսնում, անմեղ մեր լույս տղերքի արյունից գոյացած հսկա ծովը։


Իսկ դուք ասում եք Արծրունը փորձագետ։ Լավ, դուք այդքան ցինի՞կ եք, թե այդքան հայատյաց։


Առայժմ այսքանը»,- գրել է Գեղամ Նազարյանը։


Մեկնաբանություններ


Համընկնող լուրեր