ԱՄՆ-ը չի բացառում օբյեկտներ կառուցել Վրաստանում և Հայաստանում՝ աջակցելու իր «պաշտպանական գործունեությանը». RT
ԱՄՆ-ը չի բացառում Վրաստանում և Հայաստանում նոր օբյեկտների կառուցման համար միջոցներ հատկացնելու հնարավորությունը՝ իր «պաշտպանական գործունեությանը» աջակցելու համար։ Այս մասին ասվում է ԱՄՆ բանակի ինժեներների կորպուսի հրապարակած նախնական փաստաթղթերում. հայտնում է RT-ն։Ինչպես հետևում է տեքստում բերված տվյալներից, ամերիկյան կողմը մտադիր է երկու առանձին պայմանագիր կնքել ընկերությունների հետ, որոնք պատրաստ կլինեն մասնակցել Վրաստանում և Հայաստանում նոր օբյեկտների նախագծման և կառուցման, ինչպես նաև հին օբյեկտների սպասարկման և վերանորոգման աշխատանքներին` «ի պաշտպանություն Միացյալ Նահանգների պաշտպանական գործունեությանը»։
Նշվում է, որ առաջարկվող պայմանագրերից յուրաքանչյուրը «առաջին հերթին վերաբերելու է շենքերի կառուցմանը, նախագծմանը, վերակառուցմանը, ճանապարհների, մայթերի վերանորոգմանը» և այլն։
Նախնական տվյալներով՝ համապատասխան պայմանագրերով աշխատանքի ընդհանուր արժեքը կարող է կազմել 45 մլն դոլար։
