88-ամյա կինը, գտնվելով իր տան բակում,կրակոցներից աջ սրունքի հրազենային վիրավորում է ստացել
![](https://www.tert.am/news_images/1251/3752730_1/4ffcefdc61b681c6cfaf4cdf4a45d32e_v1.thumb.jpg)
Ոստիկանները պարզել են, որ վիրավորը Ռանչպար գյուղի բնակիչ, 88-ամյա Անիչկա Մ.-ն է: Ոստիկանները պարզել են նաև, որ նույն օրը՝ ժամը 16:15-ի սահմաններում, վիրավորը, գտնվելով իր տան բակում, կրակոցների ձայներ է լսել, որից հետո նկատել է, որ աջ սրունքի փափուկ հյուսվածքից արյուն է հոսում և հասկացել է, որ վնասվածքը ստացել է անհայտ որսորդի անզգուշաբար կրակոցից:
Արդեն ժամանելով դեպքի վայր, Մասիսի ոստիկանները՝ հետաքննական բաժանմունքի ավագ հետաքննիչ Հալաբյանի գլխավորությամբ, դեպքի վայրի զննությամբ հայտնաբերել են 1 հատ կապարե կոտորակ: Մասիսի ոստիկանները ձեռնարկում են անհրաժեշտ օպերատիվ-հետախուզական միջոցառումներ՝ որս կատարած անձի ինքնությունը պարզելու, նրան հայտնաբերելու ուղղությամբ: Փաստի առթիվ Մասիսի հետաքննիչի կողմից նյութեր են նախապատրաստվում: