Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ          Պարզվել է վանաձորցի 20-ամյա հղի կնոջ մահվան պատճառը       Օդի ջերմաստիճանը աստիճանաբար կբարձրանա 8-10 աստիճանով. եղանակն առաջիկա օրերին    

03 փետ 2022 12:32

Թուրքիան ՀՀ-ի հետ հարաբերությունները կարգավորելու քաղաքականություն է վարում Ադրբեջանի համաձայնությամբ և չի մասնակցի ոչ մի նախաձեռնության, որը ադրբեջանական պետությունը կհամարի ոչ նպատակահարմար

Թուրքիան Հայաստանի հետ հարաբերությունները կարգավորելու քաղաքականություն է վարում Ադրբեջանի համաձայնությամբ և հավանությամբ։ Այս մասին ասել է Թուրքիայի իշխող «Արդարություն և զարգացում» կուսակցության խոսնակ Օմեր Չելիքը. փոխանցում է Haber Global-ը։

Ինչպես հայտարարել է Թուրքիայի նախագահ Ռեջեփ Թայիփ Էրդողանը, «Թուրքիան չի մասնակցի ոչ մի նախաձեռնության, որը ադրբեջանական ժողովուրդն ու պետությունը կհամարեն ոչ նպատակահարմար»,- ընդգծել է Չելիքը։

Նա նշեց, որ Ղարաբաղում «Ադրբեջանի հաղթանակից հետո նոր հնարավորությունների պատուհան է հայտնվել»:

Մեջբերելով Էրդողանին, ով ասել էր, որ «եթե Հայաստանը հեռու մնա այդ հավակնություններից և հրաժարվի Ադրբեջանի նկատմամբ իր ագրեսիվ վերաբերմունքից, ապա կարող է ի հայտ գալ տարածաշրջանի այլ պետությունների՝ Ռուսաստանի, Իրանի և Վրաստանի մասնակցությամբ խաղաղության լայնածավալ մեխանիզմի տեսլականը», Չելիքը հավելել է. «Թուրքիայի նախագահը տարածաշրջանային խաղաղությանը նպաստելու և Սև ծովում ճգնաժամը կանխելու նպատակով վճռականորեն շարունակում է այդ առաքելությունը, և Հայաստանի հետ հարաբերությունները կարգավորելու քայլեր են ձեռնարկվում Ադրբեջանի հավանությամբ և համաձայնությամբ՝ «Մեկ ազգ. երկու պետություն» սկզբունքով»։

Մեկնաբանություններ


Համընկնող լուրեր