Մեր նավը համաշխարհային քաղաքակրթություն տանելու փոխարեն, դուրս բերեցինք ռուսաստանյան ճահիճներ. Տեսանյութ
Սեպտեմբերի 20-ին «Հայացք» մամուլի ակումբի հյուրն էր ԱԻՄ առաջնորդ Պարույր Հայրիկյանը:Ըստ
Պարույր Հայրիկյանի, անկախության իր հանրաքվեով հայ ժողովուրդը հարստացավ այն գաղափարով,
որ իրեն վերաբերող հարցերի պատասխանն ինքը պետք է տա. «Անկախությունն ինքնին մեծագույն
ձեռքբերում է ցանկացած ազգի համար: Այդպես մենք ազգ դարձանք, հայ կոչվելու իրավունք ստացանք և դրեցինք քաղաքական մշակույթի հիմքերը: Ռաֆայել
Պատկանյանն ասում էր. հայ է նա ով կղձա անկախ Հայաստան, այսինքն մենք իսկապես դարձանք
ազգ»,-ընդգծեց նա:
Խոսելով անկախության 25 տարվա ձեռքբերումների և բացթողումների
մասին Պարույր Հայրիկյանը նկատեց.«Սովետական միության տարիներից ձևավորված այն մտայնությունը, որ այդ միությունից պետք է փախչել, պահպանվեց նաև անկախությունից հետո, քանի որ հայաստանյան իշխանական ուժերն իրենք պատրաստ չէին անկախության գաղափարին, և ըստ արժանվույն, չգործեցին: Անկախության տարիների ամենամեծ բացթողումը կարելի է համարել 2013 թվականի սեպտեմբերի 3-ի որոշումը, երբ մեր նավը համաշխարհային քաղաքակրթություն տանելու փոխարեն, դուրս բերեցինք ռուսաստանյան ճահիճներ, ինչպես նաև վերջերս իրականացրած Սահմանադրության կեղծումը:
Անկախությունը շատ ձեռքբերումներ կարող էր
տալ մեր երկրին, բայց չտվեց: Պատճառն, երկրում ժողովրդավարության բացակայությունն
է: Ձեռքբերումը մեկն է՝ միակը, հենց ինքը անկախությունը, քանի որ այն հնարավորություն
է տալիս ուղղել բոլոր թույլ տված սխալները քանի դեռ ունես անկախություն»,-նշեց Պարույր Հայրիկյանը:
Ամբողջական ասուլիսը տեսանյութում
