Ռուսաստանն առաջ չի շարժվում. Պուտինի ստորաբաժանումները «ավելի ու ավելի են ընկնում հուսահատության մեջ». Մեծ Բրիտանիայի ՊՆ
Մեծ Բրիտանիայի պաշտպանության նախարար Բեն Ուոլեսը BBC-ին տված հարցազրույցում գնահատական է տվել Ուկրաինայում ռուսական բանակի ներկայիս դիրքերին. «Ռուսաստանը մինչև հիմա դեռ առաջ չի շարժվում, այժմ արդեն 13-րդ օրն է: Հյուսիսում (Կիևից) այն շարասյունը, որի մասին մենք շատ ենք խոսել, մինչև հիմա դեռ կանգնած է: Կարծես թե այն իսկապես խրված է և առաջ չի շարժվում»:
Նախարարը նաև նշել է, որ Վլադիմիր Պուտինի ստորաբաժանումները «ավելի ու ավելի են ընկնում հուսահատության մեջ» և «ուղղակի կրկնապատկում են դաժանությունը»։
