«Աշխարհի ամենակեղտոտ մարդը» մահացել է այն բանից հետո, երբ տասնամյակների ընթացքում առաջին անգամ լողացել է
Իրանցի ճգնավորը, ում «աշխարհի ամենակեղտոտ մարդ» են անվանում, մահացել է 94 տարեկան հասակում՝ ընդամենը ամիսներ անց այն բանից, երբ տասնամյակների ընթացքում առաջին անգամ լողացել է:Ամու Հաջին կամ «քեռի Հաջին» մահացել է կիրակի օրը։ Նա տարիներ շարունակ համառորեն խուսափել է թարմ սննդամթերքից եւ լողանալուց՝ հավատալով, որ «եթե լողանա, կհիվանդանա», հաղորդում է ԻՌՆԱ պետական լրատվական գործակալությունը:
Գյուղացիները մի քանի ամիս առաջ Հաջիին համոզել են լողանալ, թեեւ նախորդ փորձերը ձախողվել էին։
Հաղորդվում է, որ տարիներ առաջ նա մի անգամ դուրս է ցատկել մեքենայից ու փախել, որպեսզի չլողանա գետում:
Ասում են, որ տղամարդը հասել է պատկառելի տարիքի, չնայած սնվել է ճանապարհին վրաերթի ենթարկված կենդանիներով եւ միաժամանակ մի քանի ծխախոտ է ծխել:
