Թուրքիայում ու Սիրիայում կրկին նոր հզոր երկրաշարժեր են տեղի ունեցել

Թուրքիայի հարավում 5,1 մագնիտուդով երկրաշարժ է տեղի ունեցել, ինչը նոր ավերածությունների պատճառ է դարձել։ Այս մասին հայտնել է Թուրքիայի աղետների ու արտակարգ իրավիճակների վարչությունը՝AFAD-ը, գրում է Կոմերսանտը։ 

AFAD-ի տվյալներով երկրաշարժի օջախը գտնվել է Միջերկրական ծովում Թուրքիայի ափից 6 կմ հեռավորության վրա։ Զոհերի և վիրավորների մասին տեղեկություններ դեռ չկան։

Սիրիական SANA գործակալությունն էլ հայտնում է, որ 5,4 մագնիտուդով երկրաշարժ է տեղի ունեցել նաև Իդլիբ նահանգի հյուսիս-արևմուտքում։ Ինչին Լաթաքիայի մոտակայքում հաջորդել է  3,4 մագնիտուդով հետցնցում։