Ադրբեջանն ուզում է նոր արբանյակ ուղարկել տիեզերք
«Ազերկոսմոս» տիեզերական գործակալությունը բանակցություններ է վարում արբանյակներ արտադրող միջազգային առաջատար ընկերությունների հետ՝ ուղեծիր նոր արբանյակ արձակելու հարցի շուրջ, հայտնում են ադրբեջանական լրատվամիջոցները՝ հղում անելով իրենց երկրի Թվային զարգացման և տրանսպորտի նախարարությանը։Հրապարակումների համաձայն՝ բանակցությունները կշարունակվեն այնքան ժամանակ, մինչև կատարվի ամենահարմար ու շահավետ ընտրությունը․ «Նոր արբանյակի մշակման և շահագործման հանձնելու գործընթացից առաջ անհրաժեշտ է մանրակրկիտ հետազոտություն անցկացնել»։
Նշվում է նաև, որ արբանյակն ուղեծիր արձակելուց առաջ ուսումնասիրվում են նաև դրա տնտեսական և «ոչ տնտեսական» օգուտները։
