Մխիթարյանը կարող է դառնալ պատմության մեջ առաջին ֆուտբոլիստը, ով հաղթել է ՉԼ-ն, Եվրոպա Լիգան ու Կոնֆերենցիաների լիգան

***

Հայաստանի ֆուտբոլի ֆեդերացիան շնորհավորել է Հենրիխ Մխիթարյանին ՈՒԵՖԱ Չեմպիոնների լիգայի եզրափակիչ դուրս գալու կապակցությամբ։ 

«Հենոն կարող է դառնալ առաջին հայ ֆուտբոլիստը, ով կմասնակցի ակումբային ամենահեղինակավոր մրցաշարի ամենակարևոր հանդիպմանը»,-ասվում է ՀՖՖ-ի հայտարարության մեջ։

Նշենք, որ  ֆուտբոլի ազգային հավաքականի նախկին ավագ Հենրիխ Մխիթարյանը տևական ժամանակ է ներգրավված չէ ՀՀ հավաքականում։ Հավաքականի նոր մարզիչը փորձել է կապի դուրս գալ Մխիթարյանի հետ՝ կրկին հավաքական վերադառնալու խնդրանքով, սակայն Միխթարյանը, որի հարաբերությունները ՀՖՖ-ի հետ սրված են, քաղաքավարի հրաժարվել է Հայաստանի հավաքականի ուկրաինացի մարզիչ Ալեքսանդր Պետրակովի հետ զրուցել ու քննարկել այդ հարցը։