Օդի ռեկորդային ջերմաստիճան է գրանցվել՝ 52 աստիճան
Չինացի օդերեւութաբանները ամառվա համար Սինցզյան-Ույղուր ինքնավար մարզում օդի ռեկորդային բարձր ջերմաստիճան են գրանցել՝ 52,2 աստիճան։ ՏԱՍՍ-ը գրում է, որ այդ մասին երկուշաբթի իր կայքում հայտնել է Չինաստանի օդերեւութաբանական վարչությունը։«Ամենաբարձր ջերմաստիճանը գրանցվել է հուլիսի 16-ին Սինցզյան-Ույղուրական ինքնավար շրջանի Թուրֆան քաղաքում, այն հասել է 52,2 աստիճանի՝ գերազանցելով տարվա այս եղանակի պատմական բարձր ջերմաստիճանի սահմանը»,-ասվում է հաղորդագրությն մեջ։
