Հզոր «Օլիվեր» ցիկլոնը ծածկել է Մոսկվան, առատ ձյան տեղումներ և բուք է սպասվում
Կիրակի օրը Մոսկվայում առատ ձյուն, բուք և մինչև վեց աստիճան ցուրտ է սպասվում, հայտնում է РИА Новости-ն՝ վկայակոչելով Ֆոբոս եղանակային կենտրոնի առաջատար մասնագետ Եվգենի Տիշկովեցին։«Մոսկվայում ամպամած է, հիմնականում կեսօրից հետո առատ ձյուն է լինելու և երբեմն բուք։ Օդի ջերմաստիճանը ցերեկային ժամերին մայրաքաղաքում մինուս 4-6 աստիճան է, մարզում՝ մինուս 2-7 աստիճան»,- ասել է օդերևութաբանը։
Նրա խոսքով՝ մայրաքաղաքին հարվածելու է հզոր «Օլիվեր» ցիկլոնը։ Սա արևադարձային մթնոլորտային ցիկլոն է, որի արդյունքում օրական կարող են տեղալ մինչև 11-16 միլիմետր տեղումներ, այսինքն՝ ամսական նորմայի մեկ երրորդը։
