Համավարակի թեժ պահին COVID-ի դեմ 4 մլրդ եվրո արժողությամբ պատվաստանյութեր աղբանոց են նետել
COVID-19-ի դեմ պատվաստանյութերի առնվազն 215 մլն չափաբաժին, որոնք գնել էին ԵՄ երկրները համավարակի թեժ պահին, ոչնչացվել են, ինչը, ըստ գնահատականների, հարկատուների վրա նստել է 4 մլրդ եվրո։ Եվ սա հաստատ իջեցված գնահատական է, գրել է POLITICO-ն։Այն ժամանակվանից՝ 2020թ. վերջից, հավանության են արժանացել կորոնավիրուսի դեմ առաջին պատվաստանյութերը, ԵՄ երկրները միասին գնել են 1,5 մլրդ չափաբաժին (ավելի քան երեքը Եվրոպայի յուրաքանչյուր բնակչի համար)։ Դրանցից շատերն այժմ աշխարհամասի աղբանոցներում են։
Առկա տվյալների վրա կատարված հաշվարկները ցույց են տալիս, որ ԵՄ երկրները հրաժարվել են միջինը 0,7 ներարկումից իրենց բնակչության յուրաքանչյուր անդամի համար։ Սանդղակի վերին մասում Էստոնիան է, որը դեն է նետել պատվաստանյութերի ամենամեծ ծավալը։
Եթե թափոնների այդ միջին մակարդակը հաշվարկվի ԵՄ մնացած հատվածի համար, այն կկազմի ավելի քան 312 մլն ոչնչացված պատվաստանյութ։
