Իրանում մզկիթի վրա կարմիր դրոշ է բարձրացվել՝ ի նշան վրեժի
Իրանում կարմիր դրոշ է բարձրացվել շիաների սուրբ Կում քաղաքի Ջամքարան մզկիթի վրա, հայտնում է Fars գործակալությունը։Այն հայտնվել է մզկիթի գմբեթին Քերման քաղաքում տեղի ունեցած ահաբեկչությունից հետո, նույն դրոշը բարձրացվել է 2020 թվականին Իրանի Իսլամական հեղափոխության պահապանների կորպուսի (ԻՀՊԿ, Զինված ուժերի էլիտար ստորաբաժանումներ) գեներալ Ղասեմ Սոլեյմանիի մահից հետո։
Ինչպես նշել է ամերիկյան CNBC հեռուստաալիքը 2020 թվականին, շիա ավանդույթի համաձայն կարմիր դրոշները խորհրդանշում են և՛ անարդարացիորեն թափված արյունը, և՛ սպանվածի վրեժ լուծելու կոչը։
Հիշեցնենք, որ չորեքշաբթի օրը Իրանի հարավ-արևելքում գտնվող Քերման քաղաքում պայթյուններ են տեղի ունեցել Սոլեյմանիի մահվան չորրորդ տարելիցի հիշատակին նվիրված բազմամարդ սգո երթի ժամանակ: ԻՌՆԱ գործակալության տվյալներով՝ արդյունքում մահացել է 89 մարդ, որոնցից 12-ը՝ մինչև 15 տարեկան երեխաներ:
Ընդհանուր առմամբ տուժել է 284 մարդ։
