Ավդեևկայում 16 հազար ռուս զինվորների կորստի մասին հայտնած բլոգերն ինքնասպան է եղել
Ռուսական բանակի զինծառայող և հայտնի բլոգեր Անդրեյ «Մուրզ» Մորոզովն ինքնասպան է եղել, գրում են ռուսական թելեգրամյան ալիքները:Վերջին գրառման մեջ նա բողոքել էր «Վլադիմիր Սոլովյովի գլխավորությամբ քաղաքական մարմնավաճառների» կողմից հետապնդումից:
«Իմ թշնամիները չեն գալիս ինձ հետ ուղիղ մարտի, նրանք ինձ վրա հարձակվում են ուրիշի ձեռքով»,- գրել էր բլոգերը:
Մորոզովը հայտնել էր վերջերս գրավված Ավդեևկայի համար մարտերում 16 հազար ռուս զինվորների կորստի մասին: Նա նաև քննադատել էր Ռուսաստանի ռազմական ղեկավարությանը:
