Ահազանգ է ստացվել, որ ՔՊ-ի գրասենյակի մոտ ռումբ կա տեղադրված և այն պայթելու է
ՆԳՆ ահազանգ է ստացվել, որ Գյուլբենկյան 30/3 հասցեում ռումբ կա տեղադրված։ Նշյալ հասցեում, ի դեպ, տեղակայված է ՔՊ գրասենյակը։Նշվում է, որ ժամը 13:40-ի սահմաններում ՀՀ Ներքին գործերի նախարարության ոստիկանության օպերատիվ կառավարման ազգային կենտրոն ահազանգ է ստացվել, որ Գյուլբենկյան 30/3 շենքի բակում ռումբ է դրված և այն պայթելու է: Ավելի ուշ տարածքում հայտնաբերվել է կասկածելի պայթուցիկ։
Նշենք, որ օրեր առաջ ևս նման դեպք էր արձանագրվել։ Փետրվարի 22-ին Երևանի Գյուլբենկյան փողոցում տեղակայված օֆիսային տարածքներից մեկում ռումբի տեղադրման մասին ահազանգ էր ստացվել: Նշված հասցեով ժամանել էին ԱԻՆ աշխատակիցները, ապա նաև սակրավորները:
