Թրամփը հայտարարել է, որ մտավոր ունակությունների թեստ է հանձնել. առաջարկել է Ջո Բայդենին նույնն անել
ԱՄՆ նախկին նախագահ Դոնալդ Թրամփը հայտարարել է, որ մտավոր ունակությունների երկու թեստ է հանձնել և առաջարկել է իր իրավահաջորդին՝ դեմոկրատ և Սպիտակ տան գործող սեփականատեր Ջո Բայդենին, նույնն անել:«Խաբեբա Ջո Բայդենը պետք է մտավոր ունակությունների թեստ հանձնի։ Միգուցե այս կերպ մենք կարող ենք պարզել, թե ինչու է նա այդքան վատ որոշումներ կայացնում։ Ես երկու թեստ եմ հանձնել , և երկուսն էլ հաջողությամբ (առանց սխալների)»,- գրել Է Թրամփը իրեն պատկանող Truth Social սոցիալական ցանցի իր էջում։
Քաղաքական գործիչը վստահություն է հայտնել, որ ԱՄՆ բոլոր նախագահներն ու նախագահի թեկնածուները պետք է պարտադիր կարգով նման թեստավորում անցնեն:
