Մարդիկ նախընտրում են Ջերմուկում կոֆե խմելու փոխարեն գնալ Հռոմ, Ֆրանկֆուրտ, Բրյուսել
«Այդ ինչից է, որ մարդիկ սկսեցին այդքան մեծ քանակությամբ ուղևորվել Եվրոպայի միություն: Սա մի քանի բանի նշան է։ Ինչքան էլ մեզ քննադատեն, համարեն դա մեր ամենախոցելի տեղը, առաջինը, սա ավիացիոն ոլորտում մեր բարեփոխումների արդյունքն է, որ ինչքան էլ մենք սխալվել ենք, ընկել ենք, ձախողումներ ենք ունեցել, բայց մենք մեր քաղաքացիների համար բացել ենք հնարավորություններ։ Մարդիկ այսօր նախընտրում են, ասում են, ինչի գնանք, ասենք, Ջերմուկում սուրճ խմենք կամ ճաշենք, կգնանք Հռոմ, կգնանք Ֆրանկֆուրտ, կգնանք Բրյուսել, և սրա մեջ չափազանցություն չկա»:Այս մասին Կառավարության նիստում ասաց վարչապետ Նիկոլ Փաշինյանը:
«Սոցիալական ցանցերի հոսքը նայեք, շաբաթ-կիրակի մարդիկ Հայաստանի որևէ տեղից ավելի քիչ լուսանկար են դնում, քան՝ եվրոպական մայրաքաղաքներից։ Երկրորդը, ո՞ր դեպքում է մարդը որոշում գնալ եվրոպական երկիր, որովհետև գումար ունի։ Այսինքն նշանակում է, որ սա նաև սպառողական մենթալիտետի փոփոխության արդյունք է: Բայց ուզում եմ ընդգծել նաև, որ այս տարի մարդկանց մի մեծ զանգված, Ամանորին, որ նախընտրում էին Հայաստանում մնալ կամ անցկացնել Վրաստանում, այս տարի, համենայնդեպս, օդային տրանսպորտից են օգտվել, դա ենթադրում է, որ իրենք կամ Եվրոպա են գնացել, կամ Մերձավոր արևելք, և այսպես շարունակ»,-ասաց Փաշինյանը:
