Իրանի ԱԳՆ-ն խստորեն դատապարտել է ԱՄՆ-ի հարվածները, մեղադրել է Քուվեյթին և Բահրեյնին
Իրանի արտաքին գործերի նախարարությունը խստորեն դատապարտել է ԱՄՆ-ի հարվածները Հորմուզի նեղուցում իրանական նավթատարին և Քեշմ կղզու կապի աշտարակին։Իրանը հայտարարել է, որ հարվածները խախտում են ապրիլի 19-ի հրադադարի համաձայնագիրը և միջազգային իրավունքը։
Թեհրանը մեղադրել է Քուվեյթին և Բահրեյնին՝ իրենց տարածքներն ու ենթակառուցվածքները Իրանի դեմ գործողությունների համար տրամադրելու մեջ՝ նշելով, որ կօգտագործի բոլոր հնարավոր միջոցները՝ իր տարածքային ամբողջականությունը և ինքնիշխանությունը պաշտպանելու համար, այդ թվում՝ հարվածների աղբյուրներին պատասխանելու միջոցով։
