«Հանրապետություն»–ը հայց է ներկայացրել ԿԸՀ՝ «Ուժեղ Հայաստան» դաշինքի գրանցումն ուժը կորցրած ճանաչելու պահանջով
.jpg "«Հանրապետություն»–ը հայց է ներկայացրել ԿԸՀ՝ «Ուժեղ Հայաստան» դաշինքի գրանցումն ուժը կորցրած ճանաչելու պահանջով")
Արամ Սարգսյանի գլխավորած «Հանրապետություն» կուսակցությունը դիմում ներկայացրեց ԿԸՀ՝ «Ուժեղ Հայաստանին» ընտրություններին մասնակցելը արգելելու հարցը քննելու պահանջով։«Մենք պահանջում ենք, որ ԿԸՀ-ն անվավեր ճանաչի «Ուժեղ Հայաստան» կուսակցությունների դաշինի ընտրությանը մասնակցության որոշումը, քանի որ գտնում ենք, որ կան բավարար հիմքեր գրանցումը ԿԸՀ որոշմամբ անվավեր ճանաչելու։
Երկրորդ կետով եթե ԿԸՀ-ն գտնի որ իր որոշմամբ անվավեր ճանաչելու հիմքերը բավարար չեն, ապա մենք պահանջում ենք, որ ԿԸՀ-ն նման պահանջով դիմի վարչական դատարան։ Դրա հիմքերը ճչուն են, արդեն բազմաթիվ փաստեր կան, որ բազմաթիվ խախտումներ կան, որոնք կարող են ազդեցություն ունենալ ընտրությունների արդյունքների ելքի վրա»,- ասել է «Հանրապետություն» կուսակցության պատգամավորության թեկնածու Գրիգոր Առաքելյանը:
Հիշեցնեք, որ նախօրեին Հանրային հեռուստաընկերությամբ բանավեճի ընթացքում Նիկոլ Փաշինյանը ուղղորդել էր Արամ Սարգսյանին և Գուրգեն Սիմոնյանին դիմել ԿԸՀ՝ ընդդիմադիր 3 կուսակցությունների՝ «Ուժեղ Հայաստանի», «Հայաստան» դաշինքի ու ԲՀԿ-ի մասնակցությունը կասեցնելու հարցով։
Չնայած բանավեճի ընթացքում Արամ Սարգսյանն ասել էր, որ չեն դիմելու ԿԸՀ, այնուամենայնիվ, այսօր դիմում իր կուսակցության անդամները ներկայացրեցին ԿԸՀ։
