Վրաստանում արտասահմանյան համարներով երթևեկելու համար տուգանքը կկազմի 100-150 լարի.Տեսանյութ
Հայացք մամուլի ակումբում վարորդների իրավունքների պաշտպան-փաստաբան Արտակ Խաչատրյանը խոսեց Վրաստան մուտք գործող օտարերկրյա ավտոմեքենաների նկատմամբ ապահովագրության օրենքի, ՀՀ ԱՊՊԱ ընկերությունների, հետգանձումների խնդիրների մասին:«Այս ընթացակարգն ընդունվել է միայն արտասահմանյան քաղաքացիների համար, և ներքին համարներով մեքենաների վրա չի ազդելու, քանի որ դրանով փորձ է արվում ապահովել ճանապարհային երթևեկության անվտանգությունը և երաշխիքներ տալ՝ ապահովագրության և վնասների փոխհատուցման հարցում, քանի որ Վրաստանում իրենց քաղաքացիների համար պարտադիր ապահովագրություն չկա: Հնարավոր է՝ մոտ ժամանակներում ապահովագրությունը
Երեւանում ձևակերպվի: Հուսանք, որ նոր կարգը կանոնավոր կկիրառվի,-ասաց Արտակ Խաչատրյանը,- հավելելով, որ ապահովագրությունը կարելի է իրականացնել 15, 30 կամ 90 օրով՝ ըստ ավտոմեքենայի տեսակի և մակնիշի: 1-15 օրվա համար գանձնվելու է 30, 1 ամսվա համար՝ 50 և 3 ամսվա համար՝ 290 լարի,
իսկ առանց ապահովագրման Վրաստանի տարածքում
արտասահմանյան համարներով երթևեկելու համար տուգանքը կկազմի 100-150 լարի։
Արտակ Խաչատրյանը ասաց նաև, որ «քաոսային»
իրավիճակ է հայաստանյան ապահովագրական դաշտում։
«Հայաստանյան 6 ապահովագրական ընկերություններից 4-ը ամեն ինչ անում են, որպեսզի չհատուցեն: Անկախ վթարի լրջության՝ ավտոմեքենաներն ուղարկում են փորձաքննության, այդ ամբողջ ժամանակ երբ շարունակվում են այդ գործընթացները, մեքենայի սեփականատերն իրավունք չի ունենում վերանորոգել մեքենան, հակառակ պարագայում զրկվում է ապահովագրական վճարից,
իսկ ապահովագրողներն ու փորձագետները փոխպայմանավորվածության են գալիս, որը շատ վատ երեւույթ է: Հատուցումներն արհեստականորեն ուշացվում են, և նույնիսկ եթե երկու կողմերը օգտվում են նույն ապահովագրական ընկերություններից՝ մեկ կողմի ավելի ուշ ազդարարումը կարող է հատուցման մերժման հիմք հանդիսանալ»,–նշեց Արտակ Խաչատրյանը։
