Մոսկվայում տեղացած ձյունը նոր ռեկորդ է սահմանել
ՌԴ մայրաքաղաքի օդերևութաբանական գրասենյակից տեղեկացրել են, որ հունվարի 12-13-ի գիշերվա ընթացքում տեղացած ձյունը գերազանցել է տեղումների քանակի գծով 140 տարվա վաղեմության ռեկորդը, հաղորդում է ՌԻԱ Նովոստին:Ինչպես նշվել է, տեղումների ամսական նորման 32 մմ է, սակայն նախորդ գիշեր տեղացած ձյունը կազմել է ամսական նորմայի մեկ երրորդը:
«Մոսկվայի տնտեսական նվաճումների ցուցահանդեսում գիշերը տեղացած ձյան ծածկույթը 11 մմ է կազմել, որը օրական տեղումների քանակի նոր ռեկորդ է 140-ամյա օդերևութաբանական դիտարկումների ընթացքում»,- ասվում է հաղորդագրությունում:
Նշվում է, որ նախորդ ռեկորդը սահմանվել է 1995թ.-ին և կազմել է 9.7մմ:
Ավելի վաղ հաղորդվել էր, որ Մոսկվայի օդանավակայաններում ավելի քան 30 չվերթեր հետաձգվել և չեղյալ են հայտարարվել:
