Հաստատվել է կորոնավիրուսի 424 դեպք՝ 52 նոր դեպք, 2 պացիենտ մահացել է
Հայաստանում մարտի 29-ին՝ ժամը 11:00-ի դրությամբ նոր կորոնավիրուսով վարակվելու 52 նոր դեպք է գրանցվել: Այս մասին հայտնում է ՀՀ ԱՆ հիվանդությունների և վերահսկման և կանխարգելման ազգային կենտրոնը:Առողջապահության նախարար Արսեն Թորոսյանն էլ տեղեկացրել էր, որ Նորքի ինֆեկցիոն հիվանդանոցում երկու մահ է գրանցվել՝ 55 տարեկան կնոջ և 73 տարեկան տղամարդու մոտ, որոնք ունեին կորոնավիրուսային հիվանդություն՝ զուգակցված այլ քրոնիկական հիվանդություններով։
Հիշեցնենք, որ երեկ հաղորդված տվյալների համաձայն՝ գրանցվել էր կորոնավիրուսի 372 դեպք:
Ընդհանուր առմամբ՝ մարտի 29-ին հաստատվել է կորոնավիրուսի 424 դեպք:
Բացասական արդյունք է արձանագրվել 2054 թեստավորման դեպքում: Փաստացի այս պահին բուժվում է 391 անձ:
Ապաքինվել է 30 անձ, 3 պացիենտ մահացել է:
