Աշխարհը կորցնում է ուկրաինական հակամարտության նկատմամբ հետաքրքրությունը          Իրազեկում՝ կենսաթոշակի վճարման վերաբերյալ       Ուկրաինական Լիսիչանսկի բոլոր մուտքերն ու ելքերը շրջափակված են, կարելի է ենթադրել, որ շուտով կսկսվի լայնամասշտաբ հարձակում    

23 հուն 2021 12:45

ՄԱԿ-ը նախազգուշացնում է միջուկային զենքի օգտագործման մեծ ռիսկի մասին

Վերջին տասնամյակների ընթացքում միջուկային զենքի օգտագործման վտանգը բոլոր ժամանակներում ամենաբարձրն է: Այս մասին հայտարարել է ՄԱԿ-ի Գլխավոր քարտուղարի տեղակալ, զինաթափման հարցերով գերագույն ներկայացուցիչ Իձումի Նակամիցուն: Այս մասին գրում է DW-ն։


«Մտածված գործողությունների, միջադեպերի կամ սխալ հաշվարկի արդյունքում միջուկային զենքի օգտագործման ռիսկը ամենաբարձրն է Սառը պատերազմից ի վեր», - ասել է Նակամիցուն, հավելելով, որ զենքի վերահսկման ռեժիմը «շարունակում է փլուզվել»:


Նշվում է, որ Բայդենը և Պուտինը վստահեցրել են միջուկային պատերազմի ռիսկը նվազեցնելու ունակության մասին, որը կողմերի՝ Ժնևում հունիսի 16-ին կայացած հանդիպման առանցքային թեմաներից էր։


Միևնույն ժամանակ, Ստոկհոլմի Խաղաղության հետազոտությունների ինստիտուտի (SIPRI) զեկույցում, որը հրապարակվել է հունիսի 14-ին, նշվում է, որ աշխարհում շուրջ 2000 միջուկային մարտագլխիկ գտնվում է բարձր պատրաստվածության մեջ: Եվ նրանց մեծ մասը պատկանում է Մոսկվային և Վաշինգտոնին: Դրանք նաև կազմում են աշխարհի միջուկային պաշարների ավելի քան 90 տոկոսը: Երկու երկրներն էլ ավելի ու ավելի են կարևորում միջուկային զենքերը իրենց ազգային անվտանգության ռազմավարության մեջ, ասում են զեկույցի հեղինակները:


Մեկնաբանություններ


Համընկնող լուրեր