Ֆրանսիայում ավելացնում են յոդի պաշարները Զապորոժիեի ատոմակայանի մերձակայքում տեղի ունեցած մարտերից հետո
Ֆրանսիայի Ազգային խորհրդարանի պատգամավոր Էմիլի Կարիուն դիմել է խորհրդարանին՝ պահանջելով ավելացնել յոդ պարունակող դեղամիջոցերի պաշարները և ստուգել առկա պաշարները՝ Ուկրաինայի ատոմակայանների մոտ զինված բախումների պատճառով, հաղորդում է RT հեռուստաալիքը։ «Պատգամավորը խնդրում է գնահատել յոդի հաբերի առկա պաշարները և արտասահման առաքումների համար նախատեսված քանակները։ Նա նաև հարցնում է, թե լուրջ միջադեպի դեպքում որքան ժամանակ է հարկավոր այդ դեղաչափերը եվրոպական տարածքում արտադրելու համար և ինչպիսի լոգիստիկա են պատրաստվում օգտագործվել՝ դրանք ֆրանսիացիների շրջանում հնարավորինս արագ բաշխելու համար»,- ասվում է Կարիուի դիմումի մեջ:
Պատգամավորը նաև պարզաբանել է, որ Ռադիացիոն պաշտպանության և միջուկային անվտանգության ֆրանսիական ինստիտուտի տվյալները չեն հաստատում տեղեկությունը, որ Չեռնոբիլի և Զապորոժիայի կայանների շուրջ ճառագայթման մակարդակն աճել է։
