ՀՀ-ն օգնություն է ուղարկել Մարիուպո՞լ․ ուկրաինական ԶԼՄ-ների անդրադարձը
Մարտի 19-ին ՌԴ-ի կողմից վերահսկվող Մարիուպոլում նկատել են Հայաստանի և Դաղստանի դրոշներով մարդասիրական բեռնատարներ։ Այս մասին Telegram-ի իր ալիքում հայտնել է Մարիուպոլի քաղաքապետի (Կիևն այդպես է համարում իր ներկայացուցչին) խորհրդական Պյոտր Անդրյուշչենկոն, փոխանցում է ուկրաինական Ունիան կայքը։Նրա խոսքով՝ ՌԴ նախագահի այցից հետո ավերված քաղաքում նկատել են բեռնատարների շարասյուն։ Պաշտոնյան նաև տեսանյութ է հրապարակել և կից գրառում կատարել.
«Մետալուրգով պողոտայում Իլյիչի ուղղությամբ չորս բեռնատարների շարասյուն է նկատվել՝ Հայաստանի և Դաղստանի դրոշներով և «Մարդասիրական առաքելություն» մակագրությամբ։
Նա հեգնանքով գրել է․ թե սպասում են լրացուցիչ տեղեկությունների «ցարի» (հավանաբար նկատի ունի Պուտինին) հետքերով Մարիուպոլ նոր «տականքների» ժամանման մասին։
