Թուրք ժողովուրդը թույլ չի տա,պրն Քեմալը կրկին մտադիր է խայտառակել մեր ազգը՝ անտեսելով մեր ադրբեջանցի եղբայրներին
Թուրքիայի նախագահ Ռեջեփ Թայիփ Էրդողանը «ամոթալի» է անվանել այն փաստը, որ մայիսի 14-ին կայանալիք ընտրություններում պետության ղեկավարի թեկնածու, Ժողովրդահանրապետական կուսակցության առաջնորդ Քեմալ Քըլըչդարօղլուն Ադրբեջանի չի ներառել «Պատմական Մետաքսի ճանապարհի վերածնունդ» նախագծում։ Այս մասին Թուրքիայի ղեկավարը հայտարարել է TRT, A Haber, NTV, CNN Türk, 24 Tv, Ülke Tv, Tvnet, Haber Türk, TV100, Haber Global, TGRT Haber, Bengi Türk և Akit Tv հեռուստաալիքների համատեղ եթերում լրագրողների հարցերին պատասխանելիս։
«Պարոն Քեմալը կրկին մտադիր է խայտառակել մեր ազգը՝ անտեսելով մեր ադրբեջանցի եղբայրներին», - ասել է նա։
Էրդողանի խոսքով, թուրք ժողովուրդը թույլ չի տա որեւէ նախագիծ, որը կվնասի Ադրբեջանի հետ Թուրքիայի եղբայրությանը։
