Թուրքիայում 5․8 մագնիտուդ ուժգնությամբ երկրաշարժ է տեղի ունեցել, կա զnh և տուժածներ
Թուրքիայի հարավ-արևմտյան ափին 5.8 մագնիտուդ ուժգնությամբ երկրաշարժ է տեղի ունեցել։Այս մասին հայտնել է Թուրքիայի աղետների և արտակարգ իրավիճակների կառավարման վարչությունը (AFAD):
Ստորգետնյա ցնցումները գրանցվել են տեղական ժամանակով 02:17-ին (Երևանի ժամանակով 03:17-ին) Մարմարիս շրջանից 10,43 կմ հեռավորության վրա: Երկրաշարժի օջախը գտնվել է 67,91 կմ խորության վրա
Երկրաշարժի հետևանքով մեկ մարդ զոհվել է, 69-ը՝ վիրավորվել։
Նրանք «խուճապի պատճառով ցատկել են բարձրությունից», ասել է Թուրքիայի ներքին գործերի նախարար Ալի Էրլիքայան։
Ֆեթհիյե շրջանում տեղի ունեցած երկրաշարժի ժամանակ 14-ամյա աղջիկը մահացել է խուճապի նոպայից հետո։ Երեխային տեղափոխել են հիվանդանոց, սակայն նրան փրկել չի հաջողվել։
«5.8 մագնիտուդով երկրաշարժից հետո, որը տեղի է ունեցել ժամը 02:17-ին Միջերկրական ծովի Մարմարիս, Մուղլա ափերի մոտ և զգացվել է Մուղլա, Այդըն, Դենիզլի, Մանիսա և Իզմիր նահանգներում, որոնողական աշխատանքները շարունակվում են:
