Քաղաքացիները կարող են տարեկան մեկ անգամ անվճար հետազոտվել
ՀՀ առողջապահության նախարարությունից տեղեկացնում, որ Հայաստանի Հանրապետության 18 տարեկան և բարձր տարիքային խմբի մեծահասակ քաղաքացիները սահմանված կարգով կարող են տարեկան մեկ անգամ անցնել անվճար կանխարգելիչ քննություն իրենց սպասարկող ԱԱՊ հաստատություններում` թերապևտի կամ ընտանեկան բժշկի մոտ, հետևյալ ծավալների շրջանակում.1) առողջապահական հարցերով կրթում
2) զարկերակային ճնշման չափում,
3) գլյուկոմետրիայի իրականացում (բնակչության 35-68 տարիքային խմբում),
4) կրծքագեղձի զննում,
5) Պապ քսուք (30-60 տարեկան կանանց շրջանում),
6) ժառանգական անամնեզում գլաուկոմա ունեցող 40 տարեկան և ավելի բարձր տարիքի անձանց տեսողության սրության որոշում,
7) մարմնի զանգվածի ցուցանիշի որոշում:
Նախարարությունը կոչ է անում օգտվել ընձեռված հնարավորությունից և անել Ձեր քայլը Ձեր իսկ առողջության պահպանման հարցում:
