Ցավում եմ, որ թացն ու չորը խառնվել են իրար.Նախկին իշխանությունների նկատմամբ ատելությունը դուրս է գալիս այս եղանակով
Ես նախկին իշխանություններին երբեւիցե պաշտպանելու, գովաբանելու առիթ չեմ ունեցել: Այս մասին, այսօր՝ սեպտեմբերի 26-ին, ԱԺ-ում լրագրողների հետ զրույցում նշեց ՀՀԿ խմբակցության պատգամավոր, ՀՀ նախկին ոստիկանապետ Ալիկ Սարգսյանը: «Ամեն անգամ պատեհ-անպատեհ առիթով, տեղի-անտեղի, երբ այդ հարցով դիմել եք, ես ասել եմ, որ նախկին իշխանությունների սխալները բնականաբար, շատ-շատ են եղել, չարաշահումները շատ են եղել, ամեն ինչ եղել է, որի արդյունքը, պտուղները բոլորդ տեսնում եք:
Այնպես չի, որ սերն ու չգիտեմ ինչն է ներկա իշխանությունների նկատմամբ, սա նախկին իշխանությունների նկատմամբ ատելությունն է, որը դուրս է գալիս այս եղանակով: Ցավում եմ, որ թացն ու չորը խառնվել է իրար եւ ֆեյսբուքով հարձակումը կատարվում է բոլորի վրա, անկախ ամեն ինչից»,-ընդգծեց նա:
