Ռուսական ռազմաբազայի կասկածյալ զինվորը պետք է հանձնվի հայկական արդարադատությանը
Ես կարծում եմ՝ այնպես, ինչպես Պերմյակովը հանձնվեց հայկական արդարադատությանը, այդպես էլ պետք է այս պարագայում կասկածյալը՝ ռուսական ռազմաբազայի զինվորը կամ եթե խումբ է եղել՝ խումբը, ամբողջովին հանձնվի հայկական արդարադատությանը: Այլ բան է պատիժը կրելու հարցը. մենք Ռուսաստանի հետ ունենք համաձայնագիր, որ նա կարող է պատիժը կրել Ռուսաստանում: Բայց Հայաստանի դատարանը պետք է անպայման արդարադատությունն իրականացնի:Կարծում եմ նաև, որ ռուսական կողմը պետք է բավարար ջանքեր կիրառի, որ ռազմաբազայից դուրս եկող զինվորները լինեն վերահսկողության տակ. նրանք նաև ռուսական ռազմական ոստիկանություն ներմուծեցին Գյումրի, որ պետք է հսկի իր զինվորներին: Բայց փաստորեն, ինչպես տեսնում ենք, անարդյունավետ է:
Մոտակա ժամանակահատվածում ես նախատեսում եմ հանդիպում Հայաստանում ՌԴ դեսպանի հետ, և սա առաջին հարցն է, որի մասին պետք է խոսեմ:
