Այսուհետ Ռուսաստան կարելի է մեկնել վարձակալած մեքենայով՝ առանց լրացուցիչ մաքսատուրքի
Հունվարի 1-ից Ռուսաստանում ուժի մեջ է մտնում երկրի կառավարության նոր որոշումը, որով օտարերկրացիներին թույլատրվում է իրենց անձնական օգտագործման համար Ռուսաստան բերել նաև այլ երկրում գրանցված ու վարձակալության, գրավի տակ գտնվող ավտոմեքենայով (կամ հենց մեքենայով Ռուսաստան գնալ), ու դրա համար սահմանին չվճարել լրացուցիչ գումար։ Այս մասին հայտնում է «ՌԻԱ Նովոստի գործակալությունը»։Սրա համար կա մի քանի պայման՝ մեքենան բերողը չպետք է պարտավորություններ ունենա մաքսային ծառայությունում, ինչպես նաև չպետք է պարտավորություններ ունենա նախկինում ներմուծած մեքենաների մասով։
Այս որոշումը գործելու է նաև ԵԱՏՄ միասնական շուկայի համար, ինչը նշանակում է, որ նույն կերպ վարձակալ մեքենայով օտարերկրացիները կարող են գալ նաև Հայաստան։
