Կալանքի տակ են առնվել ադրբեջանցի միլիարդատիրոջ շվեյցարական հաշիվները.նա փախուստի մեջ է
Ցյուրիխի դատախազությունը կալանքի տակ է առել ադրբեջանցի հայտնի օլիգարխ, Մոսկվայի Չերկիզովսկի շուկայի նախկին սեփականատեր Թելման Իսմայիլովի շվեյցարական հաշիվները՝ պարտքերի մարման նպատակով, գրում է «Կոմերսանտ»-ը:Թերթի համաձայն՝ հաշիվները կալանքի տակ առնելու հարցով օգոստոսի 19-ին Ժնևի դատարան են դիմել «БМ-Банк»-ի (այժմ պատկանում է ВТБ-ին) ներկայացուցիչները: Դատարանը բավարարել է պահանջը:
Իսմայիլովի հաշիվներին առկա գումարի չափը չի նշվում:
Ավելի վաղ միլիարդատիրոջից առգրավվել էր Մոսկվայում ունեցած անշարժ գույքը:
Նա կասկածվում է ակտիվների հետ կապված խարդախությունների, այլ տնտեսական հանցագործությունների համար, իսկ ՌԴ Քննչական կոմիտեն նրան կասկածում է պատվերով սպանությունների և անձի առևանգման համար:
Նշվում է, որ նա փախուստի մեջ է:
