Տեսանյութ.Հետաքրքիր է, որ Ռուսաստանը դեռ չունի նման համակարգեր. Թուրքիան ստեղծել է նոր հակատանկային կառավարվող հրթիռ՝ դառնալով աշխարհում այն ունեցող 5-րդ երկիրը
Թուրքիան ներկայացրել է սեփական արտադրության 3-րդ սերնդի հակատանկային ղեկավարվող OMTAS հրթիռը և դարձել այս տեխնոլոգիան ունեցող՝ աշխարհի 5 երկրներից մեկը:Այս պահին 3-րդ սերնդի հակատանկային հրթիռներ ստեղծվում են ԱՄՆ-ում, Ֆրանսիայում, Իսրայելում, Չինաստանում և արդեն նաև Թուրքիայում:
Նոր սերնդի հրթիռների հիմնական առավելությունը հեռուստատեսային ուղղորդիչն է`թռիչքի ընթացքում թիրախներ ընտրելու և փոխելու հնարավորությամբ, ինչն այս համալիրը եզակի է դարձնում: Նման հնարավորություններով թուրքական OMTAS–ը լրջորեն մրցելու է իսրայելական Spike համակարգի հետ:
Հետաքրքիր է, որ Ռուսաստանը դեռ չունի նման համակարգեր:
Նշենք նաև, որ իսրայելական Spike-ները Ադրբեջանի կողմից կիրառվել են Արցախյան վերջին պատերազմում։
