Քաղցկեղային հիվանդությունները կարելի է բուժել մակաբույծներով
Toxoplasma gondii մակաբույծը կարող է օգտագործվել քաղցկեղի դեմ պայքարում, կարծում են Չինաստանի Նինգբո համալսարանի եւ Շանսի գյուղատնտեսական համալսարանի ուռուցքաբանները։ Նրանց հետազոտության մասին գրում է Journal for ImmunoTherapy Cancer-ը։Վերոնշյալ մակաբույծն ապրում է տիրոջ բջիջներում եւ ունակ է մեծ քանակությամբ սպիտակուցներ արտադրել՝ իր իմունային պաշտպանությանը հակազդելու համար: Փորձի ընթացքում չինացի գիտնականներն օգտագործել են սահմանափակ վերարտադրողական ունակությամբ մուտանտ Toxoplasma gondii շտամը: Մակաբույծը ներարկման կազմում ներարկվել է «սառը», առանց բորբոքման եւ իմունային պատասխան չհրահրող մկների քաղցկեղային բջիջների մեջ:
Մասնագետները հետեւել են, թե ինչպես է սրսկման վայրում բորբոքումներ սկսվել, ինչը հանգեցրել է վերահսկողական կետերի արդյունավետության բարձրացմանը, ինչի պատճառով կրծողների գոյատեւման ցուցանիշն աճել է, իսկ նորագոյացությունների աճը` դանդաղել։
Բժիշկները հույս ունեն, որ շուտով կկարողանան նմանատիպ բուժում մշակել մարդկանց համար: Ակնկալվում է, որ մակաբույծների կիրառմամբ հնարավոր կլինի բուժել շագանակագեղձի քաղցկեղը եւ բազմաթիվ ուռուցքներ երեխաների մոտ:
