Կոլումբիայի նախագահը կոչ է արել միջազգային հանրությանը արձագանքել ԱՄՆ-ի կողմից Վենեսուելայի վրա հարձակմանը

Կոլումբիայի առաջնորդ Գուստավո Պետրոն արձագանքել է Վենեսուելայի դեմ ԱՄՆ-ի ռազմական գործողությանը:

Նա հայտարարել է, որ երկիրը «դավաճանաբար հարձակման է ենթարկվել Միացյալ Նահանգների կողմից» և կոչ արել միջազգային հանրությանը արձագանքել իրավիճակին: Նա նաև կոչ է արել ՄԱԿ-ի նիստ գումարել:

«Կարակասը հենց հիմա հարձակման է ենթարկվել։ Զգուշացրեք աշխարհին. Վենեսուելան հարձակման է ենթարկվել։ Նրանք հրթիռներ են արձակում»,-գրել է Պետրոն սոցիալական ցանցերում:

Այս պահին Կարակասում ընթանում են փոխհրաձգություններ ամերիկյան զորքերի հետ, և փողոցներում հայտնվել են Վենեսուելայի ռազմական զրահապատ մեքենաներ: Ամերիկացիներն արդեն մի քանի հարվածներ են հասցրել մայրաքաղաքի նավահանգստին և մի քանի ռազմական օբյեկտներին: Նավթամբարի վրա հարձակումից հետո քաղաքի հարավում էլեկտրաէներգիան անջատվել է: ԱՄՆ նախագահի կողմից դեռևս պաշտոնական մեկնաբանություն չկա: