Բելառուսում մտադիր են պաշտոնյաների և զինվորականների համար մահապատիժ սահմանել պետական ​​դավաճանության համար          5 զոհերի գանգերը պետք է անհապաղ հետ բերել. Փարիզի Մարդու թանգարանում գտնվում են 18 հազար գանգեր, վախեցել են հրապարակել       Չինաստանը եւ Ռուսաստանը՝ որպես 2 երկրներ, որոնք «վտանգ են ներկայացնում բազմաբեւեռ աշխարհի համար.Պետք է դեմն առնել՝ խուսափելու սառը պատերազմից    

13 հուն 2017 17:12

Երիտասարդները շատ են չարաշահում ալկոհոլը՝ միտում է նկատվում հատկապես աղջիկների դեպքում. Տեսանյութ

Հայացք մամուլի ակումբում ՀՀ ԱՆ գլխավոր թունաբան Միքայել Գաբրիելյանը ամփոփելով 2016թ-ը նշեց, որ ալկոհոլից, շմոլ գազից, քիմիկատներից, թունաքիմիկատներից, բոտուլոտոքսինից և սնկերից գրանցվել է թունավորման 991 դեպք, 2015 թվականի՝ 940-ի համեմատ.««Արմենիա» բժշկական կենտրոնի սուր թունավորման բաժանմունք ընդունված յուրաքանչյուր երրորդ հիվանդն ունեցել է ալկոհոլային ծանր թունավորում, որն առաջացել է ալկոհոլի չարաշահման հետևանքով: 2016 թվականին եղել է այդպիսի 363 հիվանդ: Նրանց մեծ մասը տառապում է քրոնիկական ալկոհոլամոլությամբ՝  նրանց թվում կան նաև մարդիկ, որոնք պատահաբար ավելի մեծ քանակով են ալկոհոլ օգտագործել»: 
Անցյալ տարի թունավոր օձերի խայթոցի 97 դեպք է գրանցվել: Օձի խայթոցից մահվան դեպք չի եղել: 66 դեպքում հիվանդներին «հակագյուրզա» շիճուկ է ներարկվել:
Անդրադառնալով տոնական օրերին՝ Միքայել Գաբրիելյանը նշեց, որ ամեն տարի հունվարի 1-ին կլինիկա մտնող առաջին հիվանդն իրենց բաժանմունք է գալիս՝ ալկոհոլային թունավորմամբ. «Տոնական օրերից մինչ օրս սուր թունավորումների բաժանմունք է ընդունվել 30 հիվանդ: Անցած տարի նրանց թիվը եղել է 39-ը: Գնալով բարձրանում է ալկոհոլի ու գազի թունավորումների թիվը: Այս տարի արդեն գազի թունավորման 6, ալկոհոլային թունավորման 10 դեպք է գրանցվել: Ցավոք, ուշացած դեպքեր եղան և 2 հոգու կյանքը հնարավոր չեղավ փրկել: Նրանք չարաշահել էին ալկոհոլի քանակը»,- ասաց գլխավոր թունաբանը:
Նա նաև նշեց, որ երիտասարդները շատ են չարաշահում ալկոհոլը: Նման միտում է նկատվում հատկապես աղջիկների դեպքում:
Միքայել Գաբրիելյանը  ուրախությամբ է փաստում, որ այս տարի բոտուլիզմի դեպք չի գրանցվել և հիշեցրեց՝ պետք է խուսափել տնային պայմաններում պատրաստված պահածոներից իսկ պահածոն բացելուց հետո ամենաքիչը 30 րոպե եռացնել:
 

Մեկնաբանություններ


Համընկնող լուրեր