Աղջիկների և տղաների գերակշռող անուններն են. Տեսանյութ
Հուլիսի 29-ին «Հայացք» մամուլի ակումբում Հայաստանի Ազգային վիճակագրական ծառայության (ԱՎԾ) մարդահամարի և ժողովրդագրության բաժնի պետ Կարինե Կույումջյանը ներկայացրեց 2016 թվականի առաջին կիսամյակի ժողովրդագրական ցուցանիշների ամփոփումը և բնական շարժի ցուցանիշների (ծնելիություն, մահացություն և ամուսնություն, ամուսնալուծություն) հարաբերակցությունը:Կարինե Կույումջյանը անդրադարձավ, թե մշտական բնակչության
թվաքանակի ինչպիսի ցուցանիշներ են արձանագրվել. «Մշտական բնակչության թվաքանակի ցուցանիշը 2016 թվականի հունիսի 1-ի դրությամբ կազմել է
2995100 մարդ, ինչը նախորդ տարվա նույն ժամանակահատվածի համեմատ՝ նվազել է 0,3%-ով կամ շուրջ 10400 մարդ, իսկ հունվարի 1-ի համեմատ՝ նվազումը կազմել է 3500 մարդ: Այս գումարի համեմատությամբ ցուցանիշների նավազում արձանագրվել է միգրացիայի գնահատված ցուցանիշի հետ կապված, որը կազմել է -7600 մարդ՝ բնական հավելաճին գերազանցող հատվածով, որի ցուցանիշը եղել է 4100 մարդ: Կենսունակության գործակիցը 2016 թվականի առաջին կիսամյակին՝ ծնվածների և մահացածների հարաբերակցությունն է, որը կազմել է 128,9%»,-ասաց նա:
Խոսելով ամուսնությունների մասին նա նշեց. «Ամուսնության դեպքերը կազմել են 7739: Արձանագրվել է նվազում ամուսնության դեպքերում՝ շուրջ 9,8%-ով և նվազել է նաև ամուսնալուծության դեպքերը, որը կազմել է 1753 ամուսնալուծության դեպք, իսկ նվազումը եղել է 7,7%-ով: Հայաստանում
գրանցված 1000 ամուսնական զույգի համեմատ` 2016թ. հունվար-հունիսին արձանագրվել է ամուսնալուծության
227 դեպք` 2015թ. հունվար-հունիսին արձանագրված 221-ի համեմատ:
Երևանում գրանցվել է ամուսնության
2 հազար 901, ամուսնալուծության` 686 դեպք: Ամուսնությունների թվով առաջատար են Կոտայքի
(717) և Արմավիրի (684) մարզերը: Ամենաքիչ ամուսնությունները գրանցվել են Վայոց ձորում
(174), Սյունիքում(279) և Արագածոտնում (326):
Ամուսնալուծությունների թվով Երևանից
հետո առաջատար է Գեղարքունիքի մարզը` 304 դեպքով: Համեմատաբար բարձր ցուցանիշներ են
առկա Արմավիրում (134), Կոտայքում (127) և Շիրակում (128): Ամուսնալուծությունների
ամենացածր ցուցանիշներն առկա են Վայոց ձորում (22), Տավուշում (33) և Սյունիքում
(59):
Նվազում արձանագրվել է նաև մահացության
մակարդակում:
Կարինե Կույումջյանը անդրադարձավ
մահացության պատճառներին. «Արյան շրջանառության համակարգի հիվանդություններից մահվան
դեպքերը կազմել են ամբողջ մահացության դեպքերի 47,1%-ը, նորագոյացություններից մահվան
դեպքերը կազմում են 21,1%: Այսինքն՝ այս 2 մահվան պատճառները միայն ընդգրկում են մահացության
գրեթե 68%-ից մի փոքր ավելին: Շնչառական օրգանների հիվանդություններից մահացության
դեպքերը կազմում են 7,6%, մարսողական հիվանդությունների մահվան դեպքերը՝ 6,3% և շուրջ 1%-ի սահմաններում էլ գրանցվել է վարակիչ
և մակաբուծային հիվանդությունների մահվան դեպքեր: Արձանագրվել է նաև 4,4% ընդհանուր
կառուցվածքում դժբախտ պատահարներից, թունավորումներից և վնասվածքներից մահվան դեպքեր,
վերջիններս արտաքին պատճառներն են և այս ցուցանիշը մի փոքր գերազանցում է 2015 թվականի
նույն ժամանակաշրջանի ցուցանիշին և՛ բացարձակ քանակով, և՛ տեսակարար կշռով շուրջ
0,2%-ային կետով, իսկ աճը՝ բացարձակ ցուցանիշի կազմել է 1,3%»,- ասաց նա:
Ինչ
վերաբերում է ծնունդների թվին, ապա տարվա առաջին կիսամյակում Հայաստանում ծնվել է
18 439 երեխա: Կույումջյանի խոսքով՝ այս թիվը նույնպես նվազել է 2015-ի նույն ժամանակահատվածի
համեմատ՝ 1,2 տոկոսով, նրանցից 8862 աղջիկ և 9976 տղա: Նա նաև տեղեկացրեց, թե ինչպես են ծնողներն ավելի հաճախ իրենց երեխաներին անվանում: Աղջիկ երեխաների անունների տասնյակում են Նարե, Մարիա, Մարիամ, Մանե, Անգեինա, Անի, Մարի, Միլենա, Անահիտ և Էլեն անունները, իսկ տղա երեխաների անունների տասնյակում` Դավիթ, Նարեկ, Ալեքս, Տիգրան, Գոռ, Արթուր, Սամվել, Էրիկ, Արման, Հայկ:
