Ապրիլի 6-ի Մոսկվա-Երևան թռիչքով Հայաստան կարող են վերադառնալ բացառապես ՌԴ-ում գտնվող ՀՀ քաղաքացիները
Հայկական միասնական տեղեկատվական կենտրոնը տեղեկացնում է, որ ՌԴ կառավարության կողմից «Ռեդ Վինգս» ավիանկերությունը ձեռք է բերել մեկանգամյա թույլտվություն ապրիլի 6-ին Մոսկվայի ժամանակով ժամը 15:40-ին կազմակերպվելու Մոսկվա-Երևան չարտերային թռիչքը (WZ4323), որով կարող են Հայաստան վերադառնալ բացառապես ՌԴ-ում գտնվող ՀՀ քաղաքացիները:«Թռիչքի համար համապատասխան տոմսերը հնարավոր կլինի ձեռք բերել Մոսկվայի «Դոմոդեդովո» միջազգային օդանավակայանի N94 տոմսարկղից, ինչպես նաև Երևանի Զվարթնոց միջազգային օդանավակայանում «Red wings» ավիաընկերության ներկայացուցչությունից:
Ավիատոմսերի հետ կապված հարցերով կարող եք կապ հաստատել հետևյալ հեռախոսահամարներով՝
Մոսկվա: +7-925-009-92-08, +7-926-618-29-18,
Երևան: +374-91-969612:
Վերոնշյալ թռիչքով Հայաստան վերադարձած ՀՀ քաղաքացիները կենթարկվեն 14-օրյա պարտադիր կարանտինային ռեժիմի:
Ռուսաստանում ՀՀ դեսպանությունը հորդորում է քաղաքացիներին ստուգել իրենց անձը հաստատող փաստաթղթերը: Ժամկետանց կամ օգտագործման համար ոչ պիտանի փաստաթղթերի առկայության պարագայում խնդրում ենք հնարավորինս սեղմ ժամկետներում դիմել ՌԴ-ում ՀՀ դեսպանության հյուպատոսական բաժին՝ ստորև ներկայացված հեռախոսահամարներով և էլ. փոստով.
Հեռ.+ 7 (495) 624 – 32 – 43
Էլ. Փոստ. moscow.consul@mfa.am
Դեսպանությունն աշխատելու է նաև շաբաթ և կիրակի օրերին»,- նշված է Հայկական միասնական տեղեկատվական կենտրոնի ֆեյսբուքյան էջում կատարված գրառման մեջ:
