Բելառուսում մտադիր են պաշտոնյաների և զինվորականների համար մահապատիժ սահմանել պետական ​​դավաճանության համար          5 զոհերի գանգերը պետք է անհապաղ հետ բերել. Փարիզի Մարդու թանգարանում գտնվում են 18 հազար գանգեր, վախեցել են հրապարակել       Չինաստանը եւ Ռուսաստանը՝ որպես 2 երկրներ, որոնք «վտանգ են ներկայացնում բազմաբեւեռ աշխարհի համար.Պետք է դեմն առնել՝ խուսափելու սառը պատերազմից    

15 հուլ 2021 12:44

Սա կարևոր ուղերձ է ամբողջ աշխարհին.Պատմության մեջ առաջին անգամ Ադրբեջանից պատվիրակություն կայցելի ինքնահռչակ Հյուսիսային Կիպրոսի Թուրքական Հանրապետություն

Թուրքիայի խորհրդարանի արտաքին հարաբերությունների հանձնաժողովի նախագահ Ակիֆ Չաղաթայ Քըլըչը «պատմական» է անվանել Ադրբեջանի խորհրդարանական պատվիրակության առաջիկա այցը ինքնահռչակ Հյուսիսային Կիպրոսի Թուրքական Հանրապետություն: Այս մասին գրում է «Անադոլու» գործակալությունը:

Այս մասին Քըլըչը հայտարարել է Անկարայում Ադրբեջանի խորհրդարանի միջխորհրդարանական կապերի ևմիջազգային հարաբերությունների հանձնաժողովի նախագահ Սամեդ Սեյիդովի գլխավորած պատվիրակության հետ հանդիպման ժամանակ:

Քըլըչը կրկնել է Թուրքիայի և Ադրբեջանի «Մեկ ազգ, երկու պետություն» սկզբունքին հավատարիմ լինելու Թուրքիայի պատրաստակամությունը:

«Սա Ադրբեջանից խորհրդարանական պատվիրակության առաջին այցն է Հյուսիսային Կիպրոսի Թուրքական Հանրապետություն: Պատվիրակությունը կմասնակցի Կիպրոսում խաղաղության պահպանմանն ուղղված գործողության մեկնարկի 47-րդ տարեդարձի կապակցությամբ տեղի ունենալիք միջոցառմանը: Միջոցառմանը կմասնակցի նաև Թուրքիայի ղեկավարը: Մենք շնորհակալ ենք ձեզ այս կարևոր քայլի համար: Սա կարևոր ուղերձ է ամբողջ աշխարհին՝ Ադրբեջանի և Թուրքիայի միջև բարեկամության և եղբայրության հերթական արտահայտումը»,-ասել է Քըլըչը:

Հիշեցնենք, որ Կիպրոսի թուրքերը դե ֆակտո օկուպացրել են կղզու հյուսիային մասը` այնտեղ հռչակելով իրենց պետությունը:

Մեկնաբանություններ


Համընկնող լուրեր