Քաոս Աֆղանստանում. Հուսահատ աֆղանցիները սկսել են գրոհել օդանավակայան, դատարկ դեսպանատներ
Հազարավոր աֆղանցիներ հայտնվել են թալիբների անցակետերի եւ Քաբուլի գլխավոր օդանավակայանի շուրջն ԱՄՆ-ի կողմից ներդրված պողպատե օղակի միջեւ՝ հուսահատորեն փորձելով բարձրանալ որեւէ չվերթի ինքաթիռ:Մարդիկ սկսել են «գրոհել» մայրաքաղաքում գտնվող օտարերկրյա դեսպանատների շենքերը, քանի որ լուրեր էին տարածվում վիզաների տրամադրման կամ գոնե մինչեւ օդանավակայան անվտանգ հասնելու մասին:
Ըստ սոցցանցերի չհաստատված հաղորդումների՝ մի քանի մարդ զոհվել է, քանի որ ամերիկյան բանակը եւ թալիբները պայքարում էին ոչ պաշտոնական նեյտրալ գոտու իրենց կողմերում հուսահատ ամբոխին զսպելու համար:
«Ես երեխաների եւ ընտանիքի հետ գնացի օդանավակայան… թալիբներն ու ամերիկացիները կրակում էին»,- ասել է տղամարդը, ով մինչեւ վերջերս աշխատում էր օտարերկրյա հասարակական կազմակերպությունում: «Չնայած դրան, մարդիկ շարունակում էին առաջ շարժվել (ներս մտնելու համար), քանի որ գիտեին, որ օդանավակայանից դուրս նրանց մահից ավելի վատ վիճակ է սպասվում»:
Հանգստյան օրերից հետո, երբ թալիբները առանց դիմադրության ներխուժեցին մայրաքաղաք երկշաբաթյա կայծակնային հարձակումից հետո, որը վերջ դրեց շարունակվող 20-ամյա ապստամբությանը, քաոսային վիճակ է տիրում:
Ծանր լուսանկարներ եւ տեսանյութեր են հայտնվել, որոնցում երեւում է, թե ինչպես են մարդիկ հուսահատորեն փորձում են նստել ցանկացած մեկնող ինքնաթիռ, նույնիսկ փորձում են բարձրանալ ամերիկյան ռազմական Hercules-ը:
Կարգուկանոնը փոքր-ին վերականգնվեց, բայց հազարավոր մարդիկ հայտնվեցին թալիբների եւ ամերիկյան զորքերի արանքում՝ կառչած մնալով ներս մտնելու եւ տարհանվելու անիրական հույսից:
Շատերն արտասահման մեկնելու վիզաներ ունեն, եւ նրանք ասում են, որ իրենց տարհանում են խոստացել, բայց նրանք պարզապես չեն կարողանում ներս մտնել:
«Ես խոսեցի իմ ընկերոջ հետ, ով այնտեղ է, եւ նա նամակ ունի Իսպանիայից, որում ասվում է, որ նա կարող է մեկնել նրանց հետ, բայց երբ նա փորձել է մոտենալ դարպասին, նրանք սպառնացել են, որ կրակեն,- AFP-ին ասել է տղամարդը:- Իսպանացիները նրան ասում են, որ եթե նա ներս մտնի, ամեն ինչ կարգին կլինի, բայց նա չի կարող ներս մտնել»:
Թալիբները պաշտոնական ուղեկցորդներ են տրամադրել որոշ օտարերկրյա դեսպանատներին, որոնք իրենց հետ վերցրել են ինչպես իրենց քաղաքացիներին, այնպես էլ աֆղաններին, եւ ամերիկացիները նրանց ներս են թողնում:
«Մարդիկ խփում էին ավտոբուսի պատուհաններին՝ փորձելով ներս մտնել,- ասել է կինը:- Մեզ ուղեկցող թալիբներն օդ կրակեցին՝ նրանց ցրելու համար»:
Հինգշաբթի դիվանագիտական անկլավի շուրջ հուսահատություն էր տիրում, քանի որ հազարավոր մարդիկ փորձում էին գրավել որեւէ մեկի ուշադրությունն այժմ մեծապես լքված դեսպանատներում:
Վաշինգտոնը հայտարարել է, որ թալիբները հրաժարվում են երկրից դուրս թողնել ԱՄՆ-ի եւ դրա դաշնակիցների հետ աշխատած աֆղաններին:
