Հուլիսի 3-ին հանդիպում է լինելու շարժման աջակցող քաղաքական ուժերի հետ. հավանաբար քաղաքական խորհուրդ կկազմվի. Բագրատ Սրբազան
![հանդիպում է լինելու շարժման աջակցող քաղաքական ուժերի հետ. հավանաբար քաղաքական խորհուրդ կկազմվի. Բագրատ Սրբազան հանդիպում է լինելու շարժման աջակցող քաղաքական ուժերի հետ. հավանաբար քաղաքական խորհուրդ կկազմվի. Բագրատ Սրբազան](https://mail.hayacq.com/uploads/posts/2024-05/1715286747_bagrat-srbazan.jpg)
Այս մասին լրագրողների հետ զրույցում ասաց շարժման առաջնորդ Բագրատ Սրբազանը:
Սրբազանը նշեց, որ այս ընթացքում շատերի հետ են հանդիպել։ «Ոմանք նեղված կարող են լինել, ոմանց ակնկալիքներն այլ կարող են լինել, ոմանց շահերը կարող են համընկնել»։
Անդրադառնալով Սյունք կատարելիք այցին՝ Սրբազանն ասաց, որ իր խնդիրն է գյուղ առ գյուղ, քաղաք առ քաղաք մարդկանց հետ հանդիպել։ «Գնալու ենք Մեղրի, Կապան, Գորիս, Սիսիան, Խուստուփ ենք բարձրանալու՝ Գարեգին Նժդեհին այցելության։ Երկու պատճառ ունենք Սյունիքից սկսելու, նախ որ Սյունիքը խոսցելի է, Սյունիքի հարցը նաև թեժացած է։ Ես նաև չեմ կարծում, որ տեղեկությունները ճիշտ են տեղ հասնում։ Առիթ է ժողովրդին նաև հանդիպելու խնդիրներն ասելու, իրավիճակը, խնդիրները տեսնելու, որովհետև աղետը, որ սկսվել է Տավուշից, տարածվելու է ողջ երկրով մեկ»,-ասաց Սրբազանը: