Արդյունավետ ու համեղ ըմպելիք, որը կօգնի ազատվել անքնությունից ու կարգավորել քունը
Անքնությունը խնդիր է, որից տառապում են միլիոնավոր մարդիկ: Հիվանդներից շատերը քնելու համար օգտագործում են հատուկ դեղամիջոցներ, որոնք, սակայն, առաջացնում են բազմաթիվ կողմնակի բարդություններ (օրինակ՝ այրոց, փորկապություն, գլխապտույտ և ուշադրության հետ կապված խնդիրներ): Բացի այդ, այդ դեղամիջոցները կարող են առաջացնել նաև կախվածություն:
Սակայն գոյություն ունեն նաև շատ արդյունավետ բնական միջոցներ, որոնք կարող են դեղահաբերին փոխարինող հիանալի միջոց լինել: Այդ բնական այլընտրանքային դեղամիջոցները կօգնեն ազատվել անքնությունից և կպարգևեն առողջ ու հանգստացնող քուն:
Ձեր ուշադրությանն ենք ներկայացնում մի արդյունավետ ըմպելիքի բաղադրատոմս, որը կօգնի կարգավորել քունը:
Բաղադրությունը.
·170 մլ կաթ,
·1 թեյի գդալ մեղր,
·1 կաթիլ վանիլինի հյութահանուկ (բնական):
Պատրաստման եղանակը.
Կաթը լցնել կաթսայի մեջ և տաքացնել մինչև այն եռա: Այնուհետև ավելացնել վանիլինի հյութահանուկն ու մեղրը, լավ խառնել և խմել ստացված ըմպելիքը քնելուց առաջ: Այս ըմպելիքի արդյունավետությունը պայմանավորված է դրա բաղադրիչների յուրահատուկ հատկություններով, որոնք նպաստում են առողջ քնին և օգնում են հանգստանալ:
Կաթ
Առհասարակ սպիտակուցներով հարուստ սննդամթերքի տեսակները, այդ թվում նաև կաթը, պարունակում են տրիպտոֆան՝ ամինաթթու, որն օգնում է քնել: Հենց այս նյութն է խթանում սերոտոնինի ու մելատոնինի արտադրությունը և օգնում հանգստանալ:
Մեղր
Ուսումնասիրությունները ցույց են տվել, որ մեղրն օժտված է հզոր բուժիչ հատկություններով: Այն նպաստում է գլիկոգենի արտադրմանը, որն անհրաժեշտ է հանգստի ժամանակ լյարդի ճիշտ աշխատանքի ապահովման համար: Այդ տարրի մակարդակն օրգանիզմում օրվա ընթացքում նվազում է, ինչը կարող է «արթնացնել» գլխուղեղը և առաջացնել գիշերվա ժամերին գլիկոգենով հարուստ սննդամթերք ուտելու ցանկություն:
Բացի այդ, մեղրը նաև խթանում է քիմիական ռեակցիան, որը բարելավում է գլխուղեղում մելատոնինի արտազատման գործընթացը:
Վանիլինի հյութահանուկ
Անքնության դեպքում մարդու վիճակն էլ ավելի են վատացնում կպչուն մտքերը, սակայն ուսումնասիրությունները ցույց են տվել, որ վանիլինի բույրը հանգստացնում է մարդու միտքը:
Բացի այդ, անքնությունը կարող է պայմանավորված լինել շնչառական հիվանդություններով, ինչպիսին է քնի օբստրուկտիվ ապնոէն, մինչդեռ գիտնականներն ապացուցել են, որ վանիլինն օգտագործման հենց առաջին իսկ օրը 36%-ով բարելավում է քնի օբստրուկտիվ ապնոէից տառապող հիվանդների վիճակը:
