Ինչպես է պետք գումար խնայել

Եթե մի քանի անգամ փորձել եք գումար խնայել, սակայն հետո ծախսել եք տնտեսված ամբողջ փողը, ուրեմն դուք սխալ եք կատարել տնտեսելու գործընթացը։ Ձեզ ենք ներկայացնում, թե ինչպես է պետք գումար խնայել՝ ցանկալի նպատակներին հասնելու համար։
Առաջին հերթին պետք է հստակ նպատակ ունենալ, հանուն որի անհրաժեշտ է խնայողություններ անել։ Հարկավոր է գրել այն թղթի վրա կամ ձեր օրագրում։ Երբ դուք հստակ նպատակ ունեք, գումար խնայելն արդեն ավելի դյուրին է դառնում։  
Գումարը տնտեսելու լավագույն միջոցը ժամանակային սահամանափակում դնելն է։ Այն չպետք է շատ կարճատեւ լինի, որպեսզի կարողանանք հավաքել անհրաժեշտ գումարը։ Սակայն երկարատեւ լինելու դեպքում էլ հնարավոր է դուք կորցնեք ձեր հետաքրքրությունը եւ այլեւս հաճույքով չտնտեսեք այդ գումարը։ Ուստի, պետք է խելամիտ ժամանակահատված ընտրել։
Եթե ոչ մի կերպ չեք կարողանում ընտրել, թե ձեր որ նպատակն եք ցանկանում առաջինն իրականացնել, փորձեք հաշվի առնել, թե որն է ավելի առաջնային։ Առաջին նպատակին հասնելուց հետո արդեն կարելի է իրականացնել մյուս երազանքները։
Գումարը ճիշտ խնայելու համար հարկավոր է տնային հաշվապահության հմտություններ ունենալ։ Պետք է գրել ձեր եկամուտներն ու ծախսերը եւ համեմատել։ Իսկ խնայողությունների համար անհրաժեշտ է կրճատել ավելորդ ծախսերն ու փոխել սովորությունները։ Սակայն պետք չէ հրաժարվել ամեն ինչից եւ զրկել ձեզ բոլոր հաճույքներից։
Ինչու տխրահռչակ, որովհետեւ բոլոր այս տեսակ հոդվածներում գրվում է, որ անպայման պետք է եկամուտի 10%-ը խնայել։ Այո, սա իսկապես գործող տարբերակ է։ Հարկավոր է աշխատավարձի  10%-ը խնայել կամ չհանել բանկային հաշվից։
Պետք է սովորել ինչպես ազատվել գումար գողացողներից՝ կոմերցիոն առաջարկներից, զեղչերից եւ ակցիաներից։ Այս պարագայում պետք է խելացի լինել ու հասկանալ՝ իրականում ում է ձեռնտու այդ «զեղչը» կամ «ակցիան»։ Օրինակ՝ լոլիկի մածուկ + նվեր-պատառաքաղ, բայց մի քիչ ավելի թանկ գնով. մի՞թե ձեզ պետք է այսպիսի գնումներ կատարել, մի՞թե դուք տանը պատառաքաղ չուենք։ Այդ դեպքում ինչու եք ցանկանում լոլիկի մածուկ գնել ավելի թանկ գնով։ Պետք է ոչ միայն ստացած եկամուտի տասը տոկոսը խնայել, այլեւ խելամտորեն ծախսել գումարը։