Նախկին մեծամասնության ներկայացուցիչները թաշկինակներն առած առավոտից իրիկուն լացում էին ԵԽԽՎ միջանցքներում
«Մեր երկրից դուրս ա մղվել «ընտրություններ կեղծել» հասկացությունը, ոչ մեկ դրա մասին չի խոսում, ոչ մեկ չի ասում՝ էս ի՞նչ տեղի ունեցավ: Հնդկական առած կա, ասում ա՝ այն ինչն է, ինչը, որին չես նկատում, քանի դեռ նա չի հեռացել ու, ըստ էդ վարկածի, դա առողջությունն ա»,- ԱԺ-ում հայտարարեց Նիկոլ Փաշինյանը՝ ընդգծելով, որ աշխարհի բոլոր երկրներն ընդունում են, որ մեր երկիրը ժողովրդավարական է, ընտրությունները թափանցիկության, ազատության պայմաններում են տեղի ունենում: «Սկսած 2018-ի մայիսից, նախկին խորհրդարանական մեծամասնության ներկայացուցիչները թաշկինակներն առած առավոտից իրիկուն լացեր էին դնում ԵԽԽՎ միջանցքներում, թե՝ վայ, մեզ էստեղ հետապնդում են, հալածում ու համարում էին, որ էն մանիպուլյացիաները, որ հաջողվել է անել իրենց տարիներին, հաջողվելու է նաև հիմա: Ուրախ եմ արձանագրել, որ ընդամենը 2 օր առաջ հրապարակվեց ԵԽԽՎ Հայաստանի համազեկուցողների հաղորդագրությունը ու երրորդ հանրապետության պատմության մեջ առաջին անգամ է, որ համազեկուցողները զրո պրիտենզիա ունեին ՀՀ կառավարության նկատմամբ: Սրանք բաներ են, որ չեն նկատվում, ինչպես առողջությունը»,- ասաց Ն. Փաշինյանը:
