Վարձկանների բողոքը՝մեզանից շատերը սոված են,պատերազմին մասնակցելու համար խոստացված վճարը չենք ստացել, զոհերի ընտանիքներին փոխհատուցում չի տրվել          Ռուսաստանի համար իրավիճակը շատ ավելի բարդ է.Մի կողմից անհրաժեշտ է պաշտպանել Հայաստանը, բայց մյուս կողմից չի կարելի վիճել Անկարայի հետ. ռուս փորձագետներ       Տեսանյութ.Ռուսական ՄիԳ–ը թույլ չի տվել, որ ամերիկյան հետախույզ ինքնաթիռը խախտի սահմանը    

16 ապր 2019 15:34

Հիմա ԵԽԽՎ-ում դժվարացել է լոբբինգի եւ կաշառքի գործընթացը.ԵԽԽՎ-ից մաքրվում է խավիարի հոտը

Հիմա ԵԽԽՎ-ում դժվարացել է լոբբինգի եւ կաշառքի գործընթացը.ԵԽԽՎ-ից մաքրվում է խավիարի հոտըԵԽԽՎ-ից մաքրվում է խավիարի հոտը։ Այս մասին ապրիլի 16-ին ճեպազրույցում ասել է ԵԽԽՎ-ում հայկական պատվիրակության ղեկավար, ՀՀ ԱԺ արտաքին հարաբերությունների մշտական հանձնաժողովի նախագահ Ռուբեն Ռուբինյանը։
Պատասխանելով այն հարցին, թե արդյոք ԵԽԽՎ-ում թեւածում է խավիարի հոտը (նկատի է առնվում Ադրբեջանի տխրահռչակ խավիարային դիվանագիտությունը- խմբ.), պատգամավորը նշել է, որ հոտը շատ թույլ է եւ արագ կօդափոխվի։ «Մանավանդ հիմա ԵԽԽՎ-ում դժվարացել է լոբբինգի եւ կաշառքի գործընթացը։ Համենայնդեպս, այս պահին չի կարելի ասել, թե իրավիճակը նախկինն է»,- նկատել է Ռուբինյանը։

ԵԽԽՎ-ում պատվիրակության անդամ, պետաիրավական հարցերի հանձնաժողովի նախագահ Վլադիմիր Վարդանյանը, իր հերթին, նկատել է, որ խավիարային դիվանագիտության մասին խոսք լինել չի կարող, քանի որ ադրբեջանական կողմի բացասական վարքը հիշատակվում է տարբեր զեկույցներում։ «Օրինակներից մեկը։ Նստաշրջանից ոչ շատ առաջ Ալիեւը ներում է շնորհել քաղբանտարկյալներին, եւ իրենք՝ ադրբեջանցի իրավապաշտպաններն են դա կապել նստաշրջանի հետ»,- նշել է Վլադիմիր Վարդանյանը։ Նրա խոսքով՝ Մարդու իրավունքների հանձնաժողովի շրջանակում գործող ենթահանձնաժողովը մերժել է ադրբեջանական պատվիրակության ներկայացրած՝ կտտանքների դեմ կոմիտեում թեկնածուների ցուցակը. «Հարկավոր էր ներկայացնել 3 մասնագետի թեկնածություն՝ մարդու իրավունքների պաշտպանության ոլորոտում փորձի առկայությամբ։ Թեկնածուներից մեկը ակնաբույժ էր, եւ Ադրբեջանի ներկայացուցիչները անհաջող փորձում էին ապացուցել, թե ինչպես է այդ մարդը պաշտպանում իրավունքները պոլիկլինիկայում։ Դա զայրացրեց հանձնաժողովի անդամներին, եւ վկայում է այն մասին, որ խավիարային դիվանագիտությունը այլեւս չի աշխատում։ Որոշ պատգամավորներ առհասարակ ասում են, թե տանել չեն կարողանում խավիարի հոտը»։

Մեկնաբանություններ

Համընկնող լուրեր