Քարդաշյանին մեղադրում են. Կիմոնոն ճապոնական է, հանել եք դրա իմաստը և վերագրել եք ձեր բրենդին
Քիմ Քարդաշյանը հրաժարվել է փոխել իր՝ մարմինը ձգող ներքնազգեստի անվանումը՝ Կիմոնոն՝ չնայած ճապոնացիների քննադատություններին։38 -ամյա հեռուստաաստղը հայտարարել է, որը խորը հարգանք է տածում ճապոնական մշակույթում կիմոնոյի դերի նկատմամբ։ Ավելին, նա չի ծրագրում ճապոնացիների ավանդական հագուստը հիշեցնող կոստյումներ ստեղծել և վաճառել։
Նա հավելել է, որ հպարտանում է իր՝ մարմինը ձգող ներքնազգեստի ապրանքանիշով։
Քիմ Քարդաշյանին մեղադրել են ճապոնական մշակույթի հանդեպ անհարգալից վերաբերմունք դրսևորելու մեջ, գրում է USA Today-ը: Քիմը ենթարկվել է քննադատության, քանի որ իր անունով արտադրված ներքնազգեստների շարքն անվանել է Կիմոնո:
Շարքի շնորհանդեսին Քիմը նշել է, որ այդ միտքն իր գլխում ծագել է շուրջ 15 տարի առաջ, սակայն որոշ երկրպագուներ քննադատել են նրան:
«Դուք դիտմամբ վերցրել եք հատուկ մշակութային նշանակություն ունեցող ճապոնական բառ, հանել եք դրա իմաստը և վերագրել եք ձեր բրենդին. ճապոնացիները կկատաղեն»,- գրել է թվիթերյան օգտատերերից մեկը:
Քարդաշյանը հերքել է բոլոր մեղադրանքները և նշել, որ շարքը Կիմոնո է անվանել՝ ի նշան հարգանքի:
