Վլադիմիր Գասպարյանին առաջադրված մեղադրանքը սխալ է, և գլխավոր դատախազությունում ունեն նույնպիսի կարծիք. պաշտպան
ՀՀ նախկին ոստիկանապետ Վլադիմիր Գասպարյանի պաշտպան, փաստաբան Տիգրան Աթանեսյանը ֆեյսբուքյան իր էջում հայտնել է, որ այսօր ստացվել է Վլադիմիր Գասպարյանի նկատմամբ քրեական հետապնդումը դադարեցնելու մասին բողոքի պատասխանը:«Գեներալ-գնդապետ Վլադիմիր Գասպարյանի նկատմամբ քրեական հետապնդումը դադարեցնելու մասին մեր բողոքին ի պատասխան այսօր ստացել ենք սույն գրությունը, որը նախատեսված չէ գործող քրեադատավարական օրենքով: Ամեն դեպքում, ակնհայտ է, որ առաջադրված մեղադրանքը սխալ է և գլխավոր դատախազությունում ունեն նույնպիսի կարծիք: Չգիտեմ ինչ ցուցում է տրված քննիչին, բայց վստահ եմ, որ այս քրեական հետապնդումը չունի որևէ հիմք և ակնհայտ անօրինական է:
