Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից          Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ       Պարզվել է վանաձորցի 20-ամյա հղի կնոջ մահվան պատճառը    

11 սեպ 2020 17:00

Երևանի մանկապարտեզներում հերթագրված երեխաների ընդունելությունը կասեցված է. քաղաքապետարանը լուռ է

Օրեր առաջ քաղաքապետարանը հայտարարություն էր տարածել այն մասին, որ Երևանի քաղաքապետարանի ենթակայության մանկապարտեզներում հերթագրված երեխաների ընդունելությունը ժամանակավորապես կասեցված է։ Հարցի առնչությամբ «Փաստինֆո» լրատվականը հարցեր էր ուղղել քաղաքապետարանի աշխատակազմի Հանրակրթության վարչության պետի ժամանակավոր պաշտոնակատար Ժաննա Քարդաշյանին՝ պարզելու համար՝ ինչո՞վ է պայմանավորված եղել այս որոշումը, որքա՞ն ժամանակով է կասեցվել , մանկապարտեզ հաճախելու համար քանի՞ հերթագրված երեխա կա այս պահին և կատարվե՞լ է արդյոք ուսումնասիրություն, թե երկու աշխատող ծնողների պարագայում ինչպե՞ս պետք է լուծվի հերթագրված երեխայի զբաղվածության խնդիրը։


Ի պատասխան մեր հարցմանը Երևանի քաղաքապետարանի տեղեկատվության և հասարակայնության հետ կապերի վարչությունից լրատվամիջոցին է ուղարկվում մի պատասխան, որում բարձրացված հարցերի առնչությամբ, ըստ էության, չկա ոչ մի սպառիչ պատասխան։Ավելին՝ քաղաքապետարանը մեզ է ուղարկում հարցման նախօրեին հրապարակած հայտարարության տեքստը՝ աննշան փոփոխություններով։ Ըստ մեզ ուղարկված պաշտոնական պատասխանի պարզվում է հետևյալը՝ համաձայն ՀՀ պարետի 2020թ. մայիսի 24-ի հ.74 որոշման՝ առաջնահերթություն է տրվում խնամող չունեցող 2019-2020թթ. ուս տարում հաճախած երեխաներին, որոնց թիվը յուրաքանչյուր խմբում չպետք է գերազանցի 12-ը՝ սոցիալական հեռավորությունը պահպանելու նպատակով: Ընդ որում, վերոնշյալ որոշմամբ ժամանակավորապես արգելվում է լրացուցիչ ընդունելություն կազմակերպելը՝ պայմանավորված COVID-19-ով: Արդյունքում, խմբերում չեն ընդգրկվում ոչ միայն հերթագրված երեխաներ, այլ նաև՝ ընտանիքում խնամող ունեցող 2019-2020թթ. ուստարում հաճախած երեխաներ: Հետևաբար, ընդունելությունը ժամանակավորապես կասեցված է: Երեխաների լիարժեք ընդունելություն կիրականացվի մանկապարտեզների բնականոն գործունեությունը վերսկսելու պարագայում: Տարիքային խմբերը կձևավորվեն խմբերի խտության նորմատիվին համապատասխան:


Նկատենք, որ պարետատան 2020թ. մայիսի 24-ի հ.74 որոշմանը հղում տված Երևանի Քաղաքապետարանի կողմից պաշտոնական հայտարարությունը տարածվել է սույն թվականի սեպտեմբերի 7-ին, երբ արդեն իսկ պարզ էր, որ ԱԺ-ն քննարկել է պարետատան գործունեության կասեցման հարցը, որով սույն թվականի սեպտեմբերի 12-ից Հանրապետությունում նախատեսվում է դադարեցնել պարարետան գործունեությունը, իրավական ձևակերպումներով ուժի մեջ մտցնելու համար կարանտինային ռեժիմը։


Բացի նրանից, որ Երևանի Քաղաքապետարանի կողմից «Փաստինֆո»-ի հարցումներին ուղարկված անհասցե և անբովանդակ պատասխաններն, ինքնին, նոր հարցերի տեղիք են տալիս, այս ամենին մինում է ևս մեկ անհասկանալի իրավիճակ՝ ինչո՞ւ է Երևանի քաղաքապետարանը հղում տալիս արդեն իսկ սպառման ենթակա կառույցի՝ պարետատան իրավական կարգավորումներին, երբ այդ կառույցի գործունեությանը Հայաստանի Հանրապետության ողջ տարածքում մնացել է ընդամենը հաշված, իսկ ավելի կոնկրետ՝ հինգը աշխատանքային օր։


Լրատվականին ուղարկված բացահայտ ոչ սպառիչ պատասխաններից, ինչպես նաև իրավական ռեժիմների, մեր կարծիքով, անհարկի գործածության հղումը, առիթ է տալիս եզրակացություններ անելու, որ Երևանի քաղաքապետարանի իրավասությամբ գործող մանկապարտեզներում, հավանաբար, մանկահասակ տարիքի երեխաների հերթագրաման, ինչպես նաև՝ մանկապարտեզների ընդունելության հետ կապված խնդիրներ կան, որոնց մասին, Երևանի Քաղաքապետարանը փորձում է լռություն պահպանել։


Հասկանալու համար ստեղծված իրավիճակի ողջ պատկերը, ինչպես նաև՝ պարզելու համար Երևանի քաղաքապետարանի լռության պատճառները «Փաստինֆո» լրատվականը ձեռնամուխ կլինի հարցման վերաբերյալ սպառիչ պատասխաններ ստանալու լրացուցիչ հարցման իրականացմանը։


Մեկնաբանություններ


Համընկնող լուրեր